लकडाउन खुलेसँगै प्रदेश २ मा कोरोना कहर बढ्दै गएको छ। पछिल्लो २४ घण्टमा मात्रै प्रदेश २ मा १३८ जना कोरोना संक्रमित थपिएका छन्।

 सबैभन्दा बढी पर्सामा ७८ जना र सप्तरीमा ४८ मा कोरोना संक्रमण पुष्टि भएको प्रदेश २ स्वास्थ्य निर्देशनालयका वरिष्ट अधिकृत विजय झाले जानकारी दिए।

यस्तै धनुषामा ८ जना, सिरहामा ३ जना र महोत्तरीमा १ जनामा कोरोना संक्रमण भएको हो।

यससँगै प्रदेश २ मा हालसम्म कोरोना संक्रमितको संख्या ४ हजार ९०६ पुगेको छ। जसमा शनिबारसम्म ४ महिलासहित १९ जनाको मृत्यु भइसकेको छ।