काठमाडौँ- भारतको वाराणसीमा भारतीयहरुले जबरजस्ती शीर मुण्डन गराएको भनिएका युवकले आफूलाई रुपैयाँ दिएको बताएका छन् ।

उनले भारतीयहरुले आफूलाई एकहजार रुपैयाँ दिएको र शीर मुण्डन गराउन तयार भएको बयान दिएका छन् । प्रहरी चौकी बाहिर सञ्‍चारकर्मीसँग कुरा गर्दै उनले भने, "मेरो औषधीको उधारो तिर्न बाँकी थियो ।

मलाई तीन घण्टाका लागि घाँटमा जान भनिएको थियो । म गए । त्यहाँ गएर शी मुण्डन गराएर श्रीराम भनेको हुँ ।" उनले आफ्नो नाम धर्मेन्द्र भएको र वाराणसीमा बस्‍ने बताएका छन् ।

अनुसन्धान गर्दा कपाल मुण्डन गरिएका व्यक्ति भारतीय नै भएको खुलेको बनारस प्रहरीले जनाएको छ। तर अनुसन्धानपछि उक्त भिडियोमा पीडितका रूपमा देखाइएको युवा भारतीय मतदाता भएको र उनले पैसा लिएर भिडियो बनाएको पत्ता लागेको हो।

प्रधानमन्त्री केपी शर्मा ओलीले भगवान राम नेपाली भएको र अयोध्या वीरगञ्‍ज नजिकैको ठोरीमा पर्ने अभिव्यक्ति दिएपछि भारतीयहरुले भारतमा रहेका नेपालीमाथि दुर्व्यवहार गरेको भन्दै चर्को आलोचना भएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।