जनकपुर- प्रधानमन्त्री केपी शर्मा ओलीले अभिव्यक्तिप्रति प्रदेश नम्बर २ का विभिन्न जिल्ला सदरमुकाममा विरोध भएको छ । ओलीले भगवान रामको जन्मस्थल पर्साको ठोरीमा रहेको अभिव्यक्ति दिएका थिए ।

यसविरुद्ध हिन्दु युवा परिषद नेपाल, विश्व हिन्दु परिषद, रामानन्दीय वैष्णव संघ लगायतका आयोजनामा प्रदेश नम्बर २ का विभिन्न जिल्ला सदरमुकाममा विरोध प्रदर्शन भएको हो ।

विभिन्न भागमा ¥याली निकाल्दै प्रधानमन्त्री ओलीको विरुद्धमा प्र्रदेश नम्बर २ को अस्थायी राजधानी जनकपुरधाम र रौतहटमा समेत प्रधानमन्त्री केपी शर्मा ओलीको अभिव्यक्तिको विरोधमा प्रदर्शन भएको हो ।

भानु जयन्तीको अवसरमा बालुवाटारमा आयोजित कार्यक्रममा प्रधानमन्त्री ओलीले अयोध्या भारतमा नभई नेपालकै पर्साको ठोरीमा रहेको भन्दै भारतले नक्कली अयोध्या खडा गरेको बताएका थिए ।

प्रधानमन्त्री ओलीले राम जन्मस्थल सम्बन्धमा विवादित बयान दिएको भन्दै नेपाल–भारतमा यस अभिव्यक्तिलाई लिएर व्यापक आलोचना भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।