काठमाडौं - नेपाल कम्युनिष्ट पार्टी नेकपा अध्यक्ष एवं प्रधानमन्त्री केपी शर्मा ओलीसँगको छलफल निष्कर्षविहीन बनेपछि अर्का अध्यक्ष पुष्पकमल दाहाल र वरिष्ठ नेता माधवकुमार नेपाल समूहले चाँडैनै केन्द्रीय समिति बैठक बोलाउनुपर्ने निष्कर्ष निकालेको छ ।

खुमलटारमा दाहाल–माधव समूहका सचिवालय सदस्य एवं स्थायी कमिटी सदस्यहरुबीचको छलदफलले यस्तो निश्कर्ष निकालेको हो ।

पछिल्लो समय नेकपाभित्रको आन्तरिक विवाद उत्कर्षमा पुगेको बारे बालुवाटारमा विहीबार अध्यक्षद्वय ओली, दाहाल र वरिष्ठ नेता नेपालबीच छलफल भएको थियो ।

तीन नेताबीच सहमति नजुटेको कारण तत्काल केन्द्रीय समितिको बैठक बोलाउने निष्कर्षमा पुगेको जानकारी गराइएको छ । बालुवाटारबाट प्रचण्ड र नेपाल फर्किएपछि सचिवालय सदस्यहरु झलनाथ खनाल, बामदेव गौतम, नारायणकाजी श्रेष्ठ र रामबहादुर थापालगायत खुमलटार पुगेका थिए ।

भोलि बस्ने स्थायी कमिटी बैठकले केन्द्रीय समिति बैठकको मिति तोक्नसक्ने बताइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।