सिन्धुपाल्चोक- नेपाली कांग्रेसका केन्द्रीय सदस्य एवम् पूर्वमन्त्री मोहनबहादुर बस्नेतले बाढिपिडितलाई छ लाख सहयोग गरेका छन् । 

नेता बस्नेतले बाढीपहिरोपीडितको घर बनाउन आफूले पहल गर्ने समेत बताएका छन् त्यस्तै नेपाली कांग्रेसले सिन्धुपाल्चोक जिल्लाका बाढीपहिरोपीडितको बसोबासका लागि पहल गर्ने आश्वासन दिएको छ ।

‘बाढीपहिरोपीडितको घर सुरक्षित स्थानमा सरकारले बनाइदिओस्’, उनले भने, ‘यदि सरकारले बनाइदिँदैन भने पीडितहरूको घर बसरी बनाउने त्यो हामीलाई थाहा छ । हामी बनाउँछौँ ।

काँग्रेसले बाढीपहिरोपीडित प्रति घरपरिवारलाई पाँच हजार नगदका दरले रकम वितरण गरेको छ । उकत रकम नेता बस्नेत, नेपाली कांग्रेस बागमती प्रदेश संसदीय दलको नेता ईन्द्र बाँनिया, प्रदेश सांसद नीमा लामासहितको टोलीले हस्तान्तरण गरेको हो ।

यस बाहेक नेता बस्नेतले भोटेकोशी गाउँपालिका र बाह्रबिसे नगरपालिकामा आएको बाढीपहिरोबाट घर भत्किएकाहरूको घर बनाउन पहल गर्ने बताएका छन् । असार २५ गते आएको बाढीपहिरोका सिन्धुपाल्चका धेरै घरहरु भत्किएका थिए ।

घरविहिन ८० घरपरिवार तातोपानी ड्राइपोटमा अस्थायी रुपमा बसिरहेका छन् । घरबारविहीन भएकाहरूको वडा कार्यालयले तथ्यांक संकलन गरेपछि उपयुक्त सुरक्षित जग्गा भएमा आफूले घर निर्माणका लागि सहयोग गर्ने नेता बस्नेतले बताएका छन्।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।