काठमाडौं - राइड–सेयरिङ कम्पनी पठाओका संस्थापक फहिम सले अमेरिकामा मृत भेटिएका छन् । सोमबार मध्यान्न उनको शव क्षतविच्छेद भएको अवस्थामा भेटिएको बीबीसीले जनाएको छ ।

न्युयोर्कमा मृत भेटिएका फहिमको शव नजिकै धारिलो हतियार भेटिएको हुँदा हत्याको अनुमान गरिएको हो । यद्यपी प्रहरीले अहिलेसम्म पुष्टि भने गरेको छैन् ।

३३ वर्षीय उद्यमी फहिमको हत्या नै भएको भए पनि कारण भने हालसम्म खुल्नसकेको छैन। फहिमले स्थापना गरेको पठाओ कम्पनी बंगलादेश, नाइजेरिया र नेपालमा निकै लोकप्रिय छ।

बुधबार आफ्ना संस्थापक तथा कार्यकारी अधिकृत फहिमको मृत्युले पठाओ कम्पनी स्तब्ध भएको बताएको छ। पठाओ हुसेन इलिएस र फहिमले संयुक्त रुपमा स्थापना गरेका थिए। फहिमको हत्या योजनावद्ध भएको आशंका गरिएको छ। यस विषयमा अनुसन्धान भइरहेको प्रहरीले जनाएको छ। फहिमको जन्म बंग्लोदेशमा भएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।