काठमाडौं - नेकपाका वरिष्ठ नेता झलनाथ खनाल नेकपाका अध्यक्ष एवं प्रधानमन्त्री ओलीविरुद्ध खनिएका छन् । पूर्वप्रधानमन्त्री समेत रहेका खनालले ओलीलाई सरकार र पार्टीको नेतृत्व गर्न दिइरहने हो भने पार्टी जरैसम्म कमजोर हुने बताएका छन् ।

सहाना प्रधान स्मृति प्रतिष्ठानले आयोजना गरेको भर्चुअल गोष्ठिमा बोल्दै नेता खनालले यस्तो भनेका हुन् । उनले ओली नेतृत्वको सरकारले भ्रष्टाचार, अनियमितता नियन्त्रण गर्न नसकेको आरोप लगाएका छन् ।

कार्यक्रममा बोल्दै उनले भने, “प्रधानमन्त्री ओलीले भ्रष्टाचार नियन्त्रण गर्छु भनेर पनि त्यो भइरहेको छैन । अनियमितता व्याप्त छ, नेकपाले प्राप्त गरेको दुई तिहाइ बहुमत ओलीले खाइदिनुभयो । अब त्यो प्राप्त गर्न सम्भव छैन । सरकार पुनःगठन गरेर जानुपर्छ । पार्टी पनि पुनःगठन गरेर जानुपर्छ,”

त्यस्तै नेता खनालले नेकपाले प्राप्त गरेको बहुमत ओलीले ‘खाइदिएको’ बताउँदै अब त्यसको पुनरागमन नहुने बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।