काठमाडौं - नेपाल विद्यार्थी संघले विश्वविद्यालयका पदाधिकारी तथा अन्य महत्त्वपूर्ण प्राज्ञिक नेतृत्वको छनोट र नियुक्ति पारदर्शी बनाउन आग्रह गरेको छ । शुक्रबार संघका अध्यक्ष राजीव ढुँगानाले त्रिभुवन विश्वविद्यालयका उपकुलपति डा। धर्मकान्त बाँस्कोटालाई ज्ञापनपत्र बुझाउँदै यस्तो आग्रह गरेका हुन् ।

विश्वविद्यालयका पदाधिकारी तथा अन्य महत्त्वपूर्ण प्राज्ञिक नेतृत्वको छनोट र नियुक्ति उचित तरिकाले हुन नसक्दा संघले विश्वविद्यालयलाई सत्तारुढ पार्टीका कार्यकर्ता भर्ती केन्द्र नबनाउन माग गरेको हो ।

त्यस्तै संघले सबै अवाञ्छित नियुक्ति बदर गर्न, शैक्षिक क्षेत्रमा राजनीतिक हस्तक्षेप र भागवण्डाको अन्त्य गर्न पनि माग गरेको महामन्त्री दीपक भट्टराईले जानकारी दिएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।