डडेल्धुरा- लकडाउनको समयमा समस्यामा परेका साढे ९ हजारालाई नेपाली काँग्रेस डडेल्धुराले निशुल्क खाना खुवाएको छ । डडेल्धुरामा वैशाख २७ गतेदेखि ‘एनडी प्रकाश चटौत आपतकालीन भोजन चुलो’ नाम दिएर सञ्चालन गरिएको अभियानअन्तर्गत ९ हजार ४ सय ८१ जनालाई खाना खुवाएको हो।

‘मानवता बचाऔं’ भन्ने नाराका साथ कांग्रेसले यस्तो अभियान सुरु गरेको थियो । लकडाउन खुकुलो हुनु, खाना खाने व्यक्ति न्यून, पार्टीको अधिवेशनलगायत कारण मंगलबारदेखि उक्त अभियान स्थगित गरिएको कांग्रेसले पत्रकार सम्मेलन गरेर बताएको छ ।

पार्टीका कार्यवाहक जिल्ला सभापति करुणाकर भट्टले कसैले पनि भोकले छट्पटाउन नपरोस् भनेर आपतकालीन भोजन चुलोको व्यवस्था गरिएको बताए । लकडाउनको अवधिमा अतिआवश्यक कामको लागि डडेल्धुरा सदरमुकाम आएका आफन्त नभएका तथा क्वारेन्टाइनमा बसेका नागरिकलाई भोजन चुलो संचालनमा आएपछि राहत मिलेको थियो ।

एनडी प्रकाश चटौत आपतकालीन भोजन चुलो अभियानलाई सहयोग गर्ने विभिन्न व्यक्ति तथा संस्थालाई कार्यवाहक सभापति भट्टले धन्यवाद दिए। सेवा दलका संयोजक टंकप्रसाद क्षेत्रीका अनुसार ३७ क्विन्टल ६५ किलो चामल, १४३ किलो दाल, ४० किलो नुन र ९२ लिटर तेल सहयोग प्राप्त भएको थियो। जसमा १६ क्विन्टल चामल, २० लिटर तेल, २० किलो नुन र १० पेटी चाउचाउलगायत खाद्यान्न सामग्री मौज्दात रहेको छ । मौज्दात रहेको खाद्यान्न आपतविपदमा परेका नागरिकलाई सहयोग गरिने उनले बताए।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग