काठमाडौं– नेकपाका बरिष्ठ नेता पार्टी भित्र अध्यक्ष केपी शर्मा ओलीको एकलौटि नचल्ने बताएका छन्। अमेरिकी सहयोगसम्बन्धी प्रस्ताव मिलेनियम च्यालेन्ज कर्पोरेसन (एमसीसी) संशोधन बिना पारित नहुने उनको भनाइ छ।

पार्टीले एमसीसीको बारेमा अध्ययन अनुसन्धान गरेर संशोधन गरेर मात्र पारित गर्नुपर्ने अडान कायमै रहेको बताउदै उनले कसैको चाहनाले देशको हित विपरीतको सम्झौता पारित हुन नसक्ने बताएका हुन्। प्रधानमन्त्री केपी शर्मा ओलीले त पारित गर्नुपर्छ भन्ने अडानमा हुनुहुन्छ नि भन्ने जिज्ञासामा वरिष्ठ नेता खनालले भने,‘प्रधानमन्त्री ओलीले भन्दैमा एमसीसी पारित हुँदैन, पार्टीले संशोधन नगरी पारित गर्न नहुने अडानमा अडिक छ।’

एमसीसीको बारेमा हिजो बसेको सचिवालय बैठकमा कुनै छलफल नभएको बताउदै उनले असार १० गते बस्ने स्थायी समिति बैठकले एमसीसीको बारेमा निर्णय लिने बताए।

‘मेरो नेतृत्वमा बनेको कार्यदलले संशोधन विना एमसीसी पारित गर्न नहुने प्रतिवेदन सचिवालय बैठकमा बुझाएको छ, अध्ययन अनुसन्धान गरेर प्रतिवेदन दिएको हो, अहिलेकै अवस्थामा एमसीसी पारित गर्न मिल्दैन र हुँदैन’, नेता खनालले भने।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।