काठमाडौं – कोरोना भाइरस संक्रमण ह्वात्तै बढेसँगै नेपालमा मृतकको संख्या समेत बढ्दै गएको छ ।

बाँकेको नेपालगञ्ज मेडिकल कलेजमा उपचाररत कैलालीको लम्कीचुहा नगरपालिका–२ की ४३ वर्षीया महिलामा मृत्यु भएपछि कोरोना संक्रमण पुष्टि भएको छ ।

टाउकोमा चोट लागेर उपचार गर्न जेठ ३१ गते नेपालगञ्ज मेडिकल कलेज कोहलपुर लगिएकोमा मंगलबार मृत्यु भएको थियो । मृत्युपछि कोरोना परीक्षण गर्दा संक्रमण पुष्टि भएको जिल्ला प्रशासन कार्यालय बाँकेका सूचना अधिकारी दीर्घराज उपाध्यायले बताएका छन् ।

उपाध्यायका अनुसार मृतकको शव मेडिकल कलेजमै राखिएको छ ।

सुदूरपश्चिममा यसअघि कैलालीको धनगढी उपमहानगरपालिका–४ की ५५ वर्षीया महिला र बाजुराको बुढीगंगा नगरपालिकाकी २ वर्षीया बालिकको कोरोनाले मृत्यु भएको थियो । सुदूरपश्चिमका तीनै जनामा मृत्युपछि मात्रै कोरोना पुष्टि भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।