काठमाडौं – सीमा विवाद चर्किंदै गएपछि चीन र भारतका सैनिकबीच भिडन्त भएको छ ।

लद्दाखको गलवान उपत्यकामा भारतीय र चिनियाँ सैनिकबीच हिंस्रक भिडन्त भएर भारतका १ सैन्य अधिकृतसहित २ जनाको मृत्यु भएको भारतको रक्षा मन्त्रालयले जनाएको छ ।

भिडन्तमा एक कमान्डिङ अफिसर र दुई जवान मारिएका हुन् । पूर्वी लद्दाखका ४ वटा स्थानमा भारतीय र चिनियाँ सैनिकहरूबीच विवाद बढेर स्थिति तनावपूर्ण भएपछि गलवान उपत्यकामा भएको भिडन्तमा भारतीय सैनिक मारिएका हुन् ।

भारत–चीन सैनिक भिडन्तमा २ पक्षबीच तनाव मत्थर पार्नका लागि प्रयास भइरहेको भारतीय सञ्चारमाध्यमले जनाएका छन् । ‘दुवै पक्षका वरिष्ठ सैन्य अधिकृतहरू परिस्थितिलाई सामान्य बनाउनका लागि वार्ता गरिरहेका छन्,’ भारतीय सञ्चारमाध्यमले लेखेका छन् ।

भारत–चीनबीच लामो समयदेखि सीमा विवाद रहँदै आएको छ । केही दिनअघि दुवै देशबीच वार्ता भएपनि अवस्था भिडन्तमा पुगेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।