काठमाडौं – कोरोना भाइरस संक्रमण रोकथाममा सरकार असफल भएको आरोपबीच दैलेखमा कोरोना संक्रमितसँग प्रहरीको भिडन्त भएको छ ।

दैलेखको नारायण नगरपालिकास्थित त्रिभुवन उच्च माध्यमिक विद्यालयको आइसोलेसनमा बसेका कोरोना संक्रमित र प्रहरीबीच झडप भएको हो ।

आइसोलेसनमा महिनौंदेखि बस्दा समेत पुनः स्वास्थ्य जाँच नगरिएको, पीसीआर र आरडीटी पोजेटिभलाई एकैठाउँमा राखिएको, खानपिनकोे राम्रो व्यवस्थापन नभएपछि आक्रोशित कोरोना संक्रमितले आन्दोलन गर्दा प्रहरीसँग झडप भएको छ ।

आइसोलेसनमा बसेका पीसीआर पोजेटिभ संक्रमितहरू घर जान खोजेपछि प्रहरीले सामान्य बल प्रयोग गरी स्थिति नियन्त्रणमा लिएको दैलेखका प्रहरी प्रमुख हरिबहादुर वलीले बताए । प्रहरीको कुटाइबाट १ जना घाइते भएका छन् भने ३ जना सामान्य घाइते भएका छन् । घाइते ४ जनालाई उपचारका लागि स्वास्थ्य सेवा कार्यालय लगिएको प्रहरीले जनाएको छ ।

त्रिभुवन माध्यमिक विद्यालयको आइसोलेसनमा ३४ जना पीसीआर पोजेटिभ संक्रमितलाई राखिएको छ । केही दिनअघि विद्यालयको क्वारेन्टाइनमा राखिएका व्यक्तिले पानी समेत नपाएको भन्दै आन्दोलन गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।