काठमाडौं – विश्वव्यापी महामारीको रुपमा फैलिएको कोरोना भाइरस संक्रमणबाट नेपालमा थप १ जनाको मृत्यु भएको छ ।

अर्घाखाँचीको मालारानी गाउँपालिकाको क्वारेन्टाइनमा बिरामी परेका र पछि मृत्यु भएका व्यक्तिमा मरिसकेपछि कोरोना भाइरस संक्रमण पुष्टि भएको हो ।

मालारानी गाउँपालिका–४ ब्याडापाटाको सार्वजनिक आधारभूत विद्यालयको क्वारेन्टाइनमा बिरामी परेका र बुटवल अस्पतालले भर्ना नगरेपछि घरतिर फर्किंदा बाटोमा मृत्यु भएका ५७ वर्षका व्यक्तिमा कोरोना पुष्टि भएको जिल्ला स्वास्थ्य कार्यालय अर्घाखाँचीका सूचना अधिकारी विजय बरालले बताएका छन् ।

ती व्यक्तिको जेठ २३ गते नै स्वाब संकलन गरी परीक्षणका लागि प्रादेशिक जनस्वास्थ्य प्रयोगशाला भैरहवा पठाइएको थियो । श्वासप्रश्वासको समस्या भएपछि उनलाई बुधवार उपचारका लागि जिल्ला अस्पताल सन्धिखर्कमा लगिएको थियो ।

त्यहाँबाट थप उपचारका लागि बुटवलस्थित लुम्बिनी प्रादेशिक अस्पताल पठाइएको भएपनि अस्पतालले भर्ना नगरेपछि घरतिर फर्काइएको थियो । बुटवलबाट घर फर्किने क्रममा ती व्यक्तिको मृत्यु भएको थियो । उनी भारतबाट आएर क्वारेन्टाइनमा बसेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।