काठमाडौं – लकडाउन खुकुलो पार्ने विषयमा निर्णय हुने अपेक्षा गरिएको मन्त्रिपरिषद्को बैठक एकाएक स्थगित भएको छ ।

संसदमा बजेटमाथि मन्त्रालयगत छलफल भइरहेकाले आज मंगलबार साँझ ६ बजे बोलाइएको बैठक स्थगित भएको जनाइएको छ ।

एक मन्त्रीका अनुसार अर्को मन्त्रिपरिषद् बैठकको मिति र समय तय भइसकेको छैन ।

प्रतिनिधिसभा बैठकमा मन्त्रालयगत छलफलका क्रममा सांसदले उठाएका प्रश्नको जवाफ सम्बन्धित मन्त्रीले दिइरहेका छन् । मन्त्रिपरिषद्को बैठक निर्धारण गरिए पनि मन्त्रीहरू संसदमै भएकाले अकस्मात बैठक स्थगित भएको हो ।

मंगलवारको मन्त्रिपरिषद् बैठकमा लकडाउन खुकुलो पार्ने सम्बन्धी विषयमा कोरोना संक्रमण, रोकथाम तथा नियन्त्रण उच्चस्तरीय समन्वय समितिको प्रस्तावमा छलफल हुने चर्चा चलेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।