काठमाडौं – विश्वव्यापी महामारीको रुपमा फैलिएको कोरोना भाइरस संक्रमणका कारण विश्वभर मृत्यु हुनेको संख्या ४ लाख बढी पुगेको छ ।

पछिल्लो तथ्यांक अनुसार विश्वभर ४ लाख २४३ कोरोना संक्रमितको मृत्यु भएको छ भने ६९ लाख २३ हजार ८३६ जना संक्रमित रहेका छन् ।

अमेरिकामा सबैभन्दा बढी १ लाख ९ हजार ८०२ कोरोना संक्रमितको मृत्यु भएको छ भने १९ लाख २० हजारभन्दा बढी संक्रमित देखिएका छन् ।

संक्रमणका हिसाबले दोस्रो धेरै संक्रमित ब्राजिलमा ६ लाख ७२ हजार ८४६ व्यक्तिमा कोरोना संक्रमण देखिएको छ । ब्राजिलमा आईतबारसम्म कोरोना संक्रमितको संख्या ३५ हजार ९३० पुगेको जनाइएको छ ।

रुसमा ४ लाख ६७ हजार ७३ र बेलायतमा २ लाख ८६ हजार व्यक्ति संक्रमित भएका छन् । बेलायतमा कोरोना संक्रमित ४० हजार ५४८ व्यक्तिको मृत्यु भएको छ । हालसम्म कोरोना संक्रमित दोस्रो धेरै व्यक्तिको मृत्यु हुने मुलुक बेलायत भएको छ ।

रुसमा संक्रमितको संख्या धेरै देखिए पनि मृत्युदर अन्य ठूला देशको तुलनामा निकै कम देखिएको छ । त्यहाँ ५ हजार ८५१ व्यक्तिको मृत्यु भएको जनाइएको छ ।

कोरोना संक्रमित व्यक्तिको संख्याका आधारमा भारत बढी प्रभावित मुलुकहरु इटाली र स्पेनभन्दा अघि आएको छ । भारतमा आईतवारसम्म २ लाख ४८ हजार ११४ व्यक्ति संक्रमित भेटिएका छन् भने करीब ६ हजार ९५४ व्यक्तिको मृत्यु भएको तथ्यांकमा उल्लेख छ ।

भारत कोरोना भाइरस प्रभावित मुलुकहरुको सूचीमा पाँचौं स्थानमा पुगेको छ । भारतले लकडाउन समेत खुकुलो पार्दै गएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।