काठमाडौं – नेपाली नक्साको समर्थनमा अभिव्यक्ति दिएपछि भारतीय मिडियाले आलोचना गरेकी अभिनेत्री मनिषा कोइराला काठमाडौं पुगेकी छन् ।

परिवारसहित ३ दिनअघि मुम्बईबाट काठमाडौं आएकी अभिनेत्री मनिषा कोइराला हाल राजधानी काठमाडौंको एक होटलको क्वारेन्टाइनमा बसेकी छन् ।

कोइरालाले आफ्नो कोरोना टेस्ट पनि गराएकी छन् । उनीलगायत परिपारका सबैको रिपोर्ट नेगेटिभ आएको जनाइएको छ ।

विदेशबाट आएपछि १४ दिनसम्म अनिवार्य क्वारेन्टाइनमा बस्नुपर्ने नियमअनुसार घर नगई अभिनेत्री उनी आफ्ना बुवाआमासँगै होटलमा बसेकी हुन् ।

मनिषा मंगलबार मुम्बईबाट हवाईजहाजमा बनारस आएकी थिइन् । त्यसपछि गोरखपुर हुँदै गाडीमा भैरहवाको बेलहियाबाट नेपाल प्रवेश गरेकी थिइन् । मनिषा बुवा, आमा र काकीसँग नेपाल आएकी हुन् । आजको अन्नपूर्ण पोस्ट दैनिकमा समाचार छ ।

क्वारेन्टाइनमा रहेका कारण उनले निश्चित आफन्तबाहेक अरुसँग भेटघाट गरेकी छैनन् । नेपाल सरकारले लिम्पियाधुरा, लिपुलेक र कालापानी सहितको नयाँ नक्सा जारी गरेपछि मनिषाले यसको स्वागत गरेकी थिइन् । त्यसपछि मनिषाको विरोधमा भारतीय मिडिया खनिएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।