काठमाडौं – जल तथा मौसम विज्ञान विभाग अन्तर्गतको मौसम पूर्वानुमान महाशाखाले आगामी २४ घण्टामा देशभर विभिन्न ठाउँमा मेघगर्जन, चट्याङ र हावाहुरीसहित वर्षाको सम्भावना रहेकाले सतर्कता अपनाउन चेतावनी दिएको छ ।

आज बिहानै मौसमी अवस्थाबारे जानकारी सार्वजनिक गर्दै महाशाखाले भनेको छ, ‘देशका पूर्वी भू–भागहरू लगायत मध्य तथा पश्चिमी पहाडी भू–भागका थोरै स्थानहरूमा मेघगर्जन, चट्याङ र हावाहुरीसहित वर्षाको सम्भावना रहेकाले सतर्कता अपनाउन हुन अनुरोध छ ।’

नेपालमा पश्चिमी वायुको आंशिक प्रभाव रहेको जनाउँदै महाशाखाले अहिले देशभर सामान्य बदली रही प्रदेश ५, गण्डकी र बागमती प्रदेशका केही भू–भागमा वर्षा भइरहेको जानकारी दिएको छ ।

सोमबार पूर्वी भू–भागहरू लगायत मध्य तथा पश्चिमी पहाडी भू–भागमा सामान्य बदली रही बाँकी भू–भागमा मौसम आंशिक बदली रहनेछ । पूर्वी भू–भागहरू लगायत मध्य तथा पश्चिमी पहाडी भू–भागका थोरै स्थानमा मेघगर्जन र चट्याङसहित वर्षाको सम्भावना रहेको महाशाखाले जनाएको छ ।

राति पूर्वी भू–भागहरू लगायत मध्य तथा पश्चिमी पहाडी भू–भागमा सामान्य बदली रही बाँकी भू–भागमा मौसम सामान्यतया सफा रहनेछ । पूर्वी भू–भागहरू लगायत मध्य तथा पश्चिमी पहाडी भू–भागका थोरै स्थानमा मेघगर्जन र चट्याङसहित वर्षाको सम्भावना रहेको छ ।

मंगलबार देशको पूर्वी भू–भागहरू लगायत मध्य तथा पश्चिमी पहाडी भू–भागमा सामान्य बदली रही बाँकी भू–भागमा मौसम सामान्यतया सफा रहने जनाइएको छ । पूर्वी भू–भागहरूका थोरै स्थानमा र मध्य तथा पश्चिमी पहाडी भू–भागका १–२ स्थानमा मेघगर्जन र चट्याङसहित वर्षाको सम्भावना रहेको छ ।

बुधबार देशको पहाडी भू–भागमा सामान्य बदली रही बाँकी भू–भागमा मौसम सामान्यतया सफा रहनेछ । पहाडी भू–भागका १–२ स्थानहरूमा मेघगर्जन र चट्याङसहित हल्का वर्षाको सम्भावना रहेको छ ।

पूर्वी भू–भागहरू लगायत मध्य तथा पश्चिमी पहाडी भू–भागका थोरै स्थानहरूमा मेघगर्जन, चट्याङ र हावाहुरीसहित वर्षाको सम्भावना रहेकोले सतर्कता अपनाउन महाशाखाले अनुरोध गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।