काठमाडौं – भारतले नेपाली भूमि अतिक्रमण गरेर सडक निर्माण गरेपछि उत्पन्न विवाद चलिरहेकै बेला भारतबाट नेपालमाथि ठूलो साइबर हमला भएको छ ।

भारतीय ह्याकरको समूहले आईतबार हवाई क्षेत्रको नियामक निकाय नेपाल नागरिक उड्डयन प्राधिकरणको साइट ह्याक गरेर कब्जामा लिएका थिए ।

भारतीय ह्याकरले ‘फिल द पावर अफ इन्डियन ह्याकर’ भन्दै नेपाली वेबसाइटमा भारतीय झण्डा राखेका थिए । अहिले भने प्राधिकरणको साइट नेपाली नियन्त्रणमा आइसकेको छ ।

नेपालले आफ्नो अतिक्रमित भूभाग समेटेर नक्सा सार्वजनिक गरेसँगै भारतीय ह्याकरले नेपाली वेबसाइट ह्याक गर्ने क्रम बढेको छ । भारतबाट साइबर हमला हुन थालेपछि नेपाली पक्षले साइबर सुरक्षा बढाएर ह्याक भएका साइट सुरक्षित रुपमा आफ्नो नियन्त्रणमा लिन थालेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।