काठमाडौं – बिन्दास मिडिया नेटवर्कको प्रस्तुती एवं निर्माणमा तयार भएका ‘इतिहास’ नामक राष्ट्रिय भाव बोकेको गीत सार्वजनिक गरिएको छ ।

गीतमा सञ्चारकर्मी रविन्द्र सुवेदीको शब्द एवं सञ्चारकर्मी चिरञ्जीवी सापकोटा (जिबि चिरन), जिवेश गुरुङ र प्रवीण भट्टको स्वर रहेको छ ।

नेपाली वेब सिरिजका लोकप्रिय कलाकार जिवेश गुरुङले इतिहास गीतको भिडियो निर्देशन गरेका छन् ।

गीतको संगीत संयोजन ओम सुनारले गरेका छन् भने प्रोजेक्ट संयोजन समीर नेपालले गरेका छन् ।

प्रवीण भट्टको सम्पादन रहेको गीतको छायांकन नवराज उप्रेतीले गरेका हुन् । टंक कार्की (छिमेकी) को संयोजनमा निर्माण भएको गीत ‘ए प्लस’ रेकर्डिङ स्टुडियोमा रेकर्ड गरिएको थियो ।

गीतमा चिरञ्जीवी सापकोटा (जिबि चिरन), जिवेश गुरुङ र प्रवीण भट्टको मुख्य भूमिका रहेको छ भने सहयोगी भूमिकामा दिपशन परियार र बिनय सापकोटा लाई देख्न सकिन्छ ।

सेमी र्‍याप शैलीमा तयार गरिएको गीतमा इतिहासको गाथा र नेपालीको वीरतालाई उजागर गरिएको छ ।

भारतले मिचेको नेपालको भूमि कालापानी, लिपुलेकजस्ता भूभाग फिर्ता गरिनुपर्छ भन्ने सन्देश गीतमार्फत् दिन खोजिएको छ ।

गीत आहा टीभीको अफसियल युट्युब च्यानलमार्फत सार्वजनिक गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।