काठमाडौं – कोरोना भाइरस संक्रमणको महामारी अन्त्य नहुँदै भारतको रेलवेले ठूलो कदम चालेको छ ।

आगामी १ जुनदेखि रेल सेवाको आंशिक पुनःस्थापन गरिने भएको छ । रेलवेले २०० यात्रु ट्रेनहरू सुरू गर्दैछ ।

रेल चलाउन रेलवेले आजै बिहीवार बिहान १० बजेदेखि बुकिङ सुरू गर्दैछ । बुकिङ आईआरसीटीसी वेबसाइटमा बिहीबार बिहान १० बजेदेखि सुरू हुने भारतीय सञ्चारमाध्यमले जनाएका छन् । तत्काल वा प्रीमियम तत्काल उपलब्ध हुने छैन ।

रेलसेवाको भाडा सामान्य हुनेछ र सबै यात्रुलाई सीट उपलब्ध गराइने जनाइएको छ । भारतमा श्रमिक विशेष ट्रेन चलाउन रेल मन्त्रालयले कुनै पनि राज्यको अनुमति लिनु पर्दैन र रेल मन्त्रालयलाई निर्णय लिन पूर्ण अधिकार हुनेछ ।

यो निर्णयपछि अब रेलवेले राज्यहरूको अनुमति लिन पर्खनु पर्दैन र केन्द्रले बढी र अधिक ट्रेनहरू सञ्चालन गर्न सक्नेछ, जहाँ पहिलेभन्दा बढी यात्रीहरू यात्रा गर्न सक्ने भएका छन् ।

केन्द्रले जारी गरेको एसओपी अन्तर्गत, राज्यले प्रभारी अधिकारीलाई चिह्न लगाउनेछ र प्रवासीहरूलाई पठाउन वा ल्याउन आवश्यक व्यवस्था गर्नेछ । घरेलु उडानहरू २५ मेदेखि सामाजिक दूरी नियमहरूको साथ सुरू हुनेछ ।

भारतले प्रवासीले यात्रा गर्ने गरी रेलसेवा सुरू गरेपछि यसको असर नेपालसम्म पर्नेछ । भारतका विभिन्न क्षेत्रमा अलपत्र परेका नेपालीहरू रेलमार्फत सीमासम्म आउने र कतिपयमा कोरोना संक्रमण समेत हुनसक्ने अवस्था रहेको छ । हालसालै भारतबाट आएका व्यक्तिमा कोरोना भाइरस संक्रमण देखिँदै आएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।