काठमाडौं – जिल्ला अस्पताल धनकुटाकी नर्ससहित आईतबार साँझ थप ३ जनामा कोरोना भाइरस संक्रमित पुष्टि भएको छ ।

नर्स धनकुटाकी भएपनि बाँकी २ जना संक्रमित विराटनगरका रहेका छन् । संक्रमितहरू विराटनगर महानगरपालिका–६ र १६ का वासिन्दा हुन् ।

धरानस्थित बीपी कोइराला स्वास्थ्य विज्ञान प्रतिष्ठानको प्रयोगशालामा गरिएको परीक्षणमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।

यससँगै नेपालमा कोरोना संक्रमितको संख्या २९५ पुगेको छ । जसमध्ये २ जनाको मृत्यु भएको छ । आईतवार मात्रै बाँकेका २५ वर्षीय युवकको मृत्युपछि कोरोना पुष्टि भएको छ ।

देशभरका संक्रमितमध्ये ३६ जना निको भएर घर फर्किसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।