काठमाडौं – इजरायलका लागि चिनियाँ राजदूत डु वुई तेल अवीवको उपनगरीय क्षेत्र हर्जेलियामा रहेको निजी निवासमा मृत भेटिएका छन् ।

इजरायली अधिकारीलाई उदृत गर्दै अन्तर्राष्ट्रिय सञ्चारमाध्यमले जनाएअनुसार ५७ वर्षीय डु वेई ओछ्यानमा मृत भेटिएको र ज्यान जानुको कारण खुलिसकेको छैन ।

उनी गत फेब्रुअरीमा मात्र राजदूतमा नियुक्त भएका थिए, यसअघि उनी युक्रेनका लागि चिनियाँ राजदूत रहेका थिए ।

इजरायली प्रहरीका प्रवक्ताले घटनाबारे नियमित प्रक्रिया अन्तर्गत प्रहरी टोली घटनास्थलमा खटिएको बताएका छन् । एक स्वास्थ्यकर्मीको भनाइलाई उद्धृत गर्दै इजरायलको च्यानल १२ टीभीले प्रारम्भिक रुपमा राजदूत डु वेईको निधन प्राकृतिक कारणले भएको दाबी गरेका छन् ।

राजदूतको मृत्युले चिनियाँ अधिकारीलाई तनाव भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।