काठमाडौं – विश्वव्यापी महामारीको रुपमा रहेको कोरोना भाइरस संक्रमण नियन्त्रणका लागि सरकारले आगामी जेठ ५ गतेसम्म लकडाउन लम्ब्याएको छ ।

कम्युनिस्ट प्रधानमन्त्री केपी शर्मा ओली नेतृत्वमा बुधवार बसेको मन्त्रिपरिषद् बैठकले लकडाउन जेठ ५ गतेसम्म लम्ब्याउने निर्णय गरेको छ ।

गत चैत ११ गतेदेखि लागू गरेको लकडाउन लगातार पाँचौं पटक थपिएको छ । यसरी नेपाली जनताले लगातार २ महिनासम्म घरभित्रै थुनिनुपर्ने अवस्था आएको छ ।

जोखिम कम भएका क्षेत्रमा लकडाउन खुकुलो पार्नुपर्ने माग उठेपनि सरकारले सुनुवाइ गरेन । सरकारले पहिलो पटक चैत ११–१८ गतेसम्म लकडाउन घोषणा गरेको थियो ।

कोरोना भाइरस संक्रमित बढ्दै गएपछि सरकारले चैत १८–२५, चैत २५–वैशाख ३, वैशाख ३–१५ र वैशाख १५–२५ गतेसम्म लकडाउन बढाउने निर्णय गरेको थियो । कोरोना रोकथामका लागि सरकारले लकडाउन गरेपनि संक्रमितको संख्या बढिरहेको छ ।

सरकारी विवरण अनुसार नेपालमा कोरोना संक्रमितको संख्या ८२ पुगेको छ भने १६ जना निको भएर घर फर्किसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।