काठमाडौं – भारत सरकारले कोरोना भाइरस संक्रमण रोकथामका लागि २ हप्ता लकडाउन बढाएको छ । आगामी ३ मेसम्म यसअघि घोषणा भएको लकडाउन बढाउँदै प्रधानमन्त्री नरेन्द्र मोदी नेतृत्वको सरकारले १७ मेसम्म कायम गर्ने निर्णय गरेको छ । भारतमा कोरोना संक्रमितको संख्या र मृतकको संख्या दिनदिनै बढिरहेको बेला लकडाउन बढाउने निर्णय भएको छ । भारतको गृह मन्त्रालयले लकडाउन बढाउने निर्णयबारे जानकारी सार्वजनिक गरेको छ । भारतमा कोरोना फैलिरहेको बेला त्यसको असर नेपालमा समेत पर्ने विश्लेषण हुने गरेको छ । प्रधानमन्त्री केपी शर्मा ओलीले समेत भारतको अवस्था हेरेर नेपालमा लकडाउनबारे निर्णय हुने बताउँदै आएका छन् । भारतबाट चोरबाटो हुँदै रुपन्देही पुगेका एक व्यक्तिमा शुक्रबार कोरोना संक्रमण भेटिएपछि नेपाली सीमा क्षेत्रमा कडाइ गर्नुपर्ने माग उठेको छ । नेपाल सरकारले बैशाख २५ गतेसम्म लकडाउनको निर्णय गरेपछि भारतको अवस्था हेरेर थप बढ्नसक्ने संकेत सरकारी अधिकारीले गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।