काठमाडौं – कोरोना भाइरस संक्रमणबाट बेलायतमा थप १ पूर्व गोरखा सैनिकको मृत्यु भएको छ । लण्डनको न्यू माल्डेनमा बस्दै आएका ७५ वर्षीय धनवीर थापा मगरको उपचारका क्रममा मृत्यु भएको छ । श्वासप्रश्वासमा कठिनाइ देखिएपछि उनलाई गत मंगलवार किङस्टन अस्पतालमा भर्ना गरिएको थियो । थापालाई भेन्टिलेटरमा राखी उपचार गरिएको थियो । पाल्पा स्थायी घर भएका थापाले पछि बुटबल बसाइसराई गरेका थिए । पहिलेदेखि पिसाबथैलीको र उच्चरक्तचाप समस्याको नियमित औषधि खाँदै आइरहेका थापालाई ज्वरोसमेत देखिएपछि अस्पताल भर्ना गरिएको पाल्पा जिल्ला समाजका अध्यक्ष बाचस्पति रेग्मीले बताएका छन् । अध्यक्ष रेग्मीका अनुसार थापा सन् २००९ देखि बेलायतमा पत्नीसहित बस्दै आएका थिए । बेलायतमा कोरोनाका कारण यसअघि समेत नेपालीको मृत्यु भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।