काठमाडौं – कोरोना भाइरस संक्रमणबाट ग्रस्त भएको चिनियाँ शहर वुहानमा राष्ट्रपति सी चिनफिङलाई अर्काे आपत आइलागेको छ । सरकारले लामो समयपछि लकडाउन खोलेपनि स्थानीय जनता आन्दोलनमा उत्रिएका छन् । वुहान शहरमा दर्जनौं साना व्यवसायीले विभिन्न भाडा घटाउन आन्दोलन गरेका छन् । वुहानमा ७० दिनभन्दा लामो लकडाउन खुलेलगत्तै व्यवसायी आन्दोलनमा उत्रिएका हुन् । शुक्रबार दिउँसो मास्क लगाएर १–१ मिटरको दूरीमा बसेका व्यापारीहरूले भाडा कम गर्नुपर्ने माग राखेका छन् । व्यवसायीले प्लेकार्डमा ‘हाम्रो स्टोरको भाडा मिनाहा गर’, ‘हामी बाँच्न सक्दैनौं’ जस्ता नाराहरू लेखिएका थिए । चीनको द ग्राण्ड ओसन डिपार्टमेन्ट स्टोर नामको मलमा भएका साना–साना स्टोरका व्यापारीहरूले आन्दोलन गर्दै प्रदर्शन गरेका छन् । चाइनिज सामाजिक सञ्जालमा भाइरल भइरहेको एक भिडियोमा एक महिलाले भनेकी छन्, ‘शपिङ मलको इन्चार्जले हाम्रो स्टोरको भाडा घटाउनुपर्छ ।’ ९९ प्रतिशत साना व्यापारीहरूले वुहान लकडाउन भएदेखि नै कुनै व्यापार गर्न पाएका छैनन् । आन्दोलन गर्दै अर्का व्यापारीले सरकारले बिहीबार गरेको प्रदर्शन चुपचाप हेरिरहेको बताए । ‘त्यही भएर हामी आज पनि यहाँ जम्मा भएका छौं,’ उनले भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।