काठमाडौं – नेपाली कांग्रेसको भातृ संगठन नेपाल विद्यार्थी संघ (नेविसंघ) ले पूर्व प्रधानमन्त्री स्व. गिरिजाप्रसाद कोइरालाको १० औं स्मृति दिवसमा गिरिजाबाबुलाई सम्झिएको छ । यसैदिन नेविसंघले विश्वभर कोरोनाबाट मृत्यु भएकाहरूको आत्माको शान्तिको कामना गर्दै दीप प्रज्वलन समेत गरेको छ । शुक्रवार साँझ नेविसंघ केन्द्रीय समितिले माइतीघर मण्डलामा दिप प्रज्वलन गरेको छ । संघका महामन्त्री दिपक भट्टराईले सरकारको निर्देशन अनुसार नै आफूहरू २४ जना मात्र उपस्थित भएर दीप प्रज्वलन गरेको जानकारी दिए । ‘पूर्व प्रधानमन्त्री स्व. गिरिजाप्रसाद कोइरालाको स्मृति दिवसमा उहाँको सम्झना र विश्वभर कोरोनाका कारण मृत्यु भएकाहरूको आत्मशान्तिको कामना गर्दै दिप प्रज्वलन गरेका हौं,’ महामन्त्री भट्टराईले भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।