काठमाडौं – प्रधानमन्त्री केपी शर्मा ओलीले चैत ९ गते आईतबारदेखि २१ गतेसम्म अत्यावश्यक बाहेकका सरकारी र निजी कार्यालय बन्द हुने घोषणा गरेपछि अत्यावश्यक सेवा के–के हुन् भनेर सर्वसाधारणमा अन्योल देखिएको छ । देशबासीको नाममा सम्बोधन गर्दै प्रधानमन्त्री ओलीले कोरोना भाइरसबाट बच्न अत्यावश्यक बाहेकका सरकारी र निजी कार्यालय बन्द राख्ने घोषणा गरेका छन् । उनले सम्बोधनमा भनेका छन्, ‘देशैभर संघ, प्रदेश र स्थानीय तहका सार्वजनिक, सामुदायिक तथा निजी सेवा प्रदायक संस्थाहरूबाट प्रदान गरिने नेपाल राजपत्रमा प्रकाशन गरिए अनुसारका अत्यावश्यक सेवा बाहेकका अन्य सबै सेवाहरु आगामी चैत ९ गतेदेखि चैत २१ गतेसम्म बन्द गरिएको छ ।’ प्रधानमन्त्री ओलीले राजपत्रमा प्रकाशन गरिएका अत्यावश्यक सेवा भनेपछि त्यसबारे स्पष्ट बोलेनन् । सबै सर्वसाधारणको पहुँचमा राजपत्रको सूचना उपलब्ध नहुने भएकाले अन्योल हुनु स्वाभाविक पनि हो । राजपत्रमा प्रकाशित अत्यावश्यक सेवा के–के हुन् ? हामीले खोजेका छौं । हेर्नुस् यस्तो छ अत्यावश्यक सेवाबारे राजपत्रमा प्रकाशित सूचना –   प्रधानमन्त्री ओलीको सम्बोधन अनुसार आईतबारदेखि चैत २१ गतेसम्म माथि उल्लेखित बाहेकका सबै सेवा देशभर बन्द हुनेछन् । राजपत्रमा प्रकाशित अत्यावश्यक सेवा भने सञ्चालनमै रहने भएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।