ललितपुर – नेपाली कांग्रेसबाट निर्वाचित मेयर चिरिबाबु महर्जनले नेतृत्व गरेको ललितपुर महानगरपालिकाले कोरोनाको त्रास बढेर बजारमा अभाव भइरहेका बेला मास्क उत्पादन सुरू गरेका छन् । बुधबारवाट महानगरपालिका आफैंले मास्क उत्पादन सुरू गरेको छ । महानगरपालिकाको सामाजिक विकास तथा विपद् व्यवस्थापन समितिको निर्णय अनुसार मास्कको उत्पादन सुरू भएको प्रवक्ता राजु महर्जनले बताए । महानगरका २९ वटै वडामा सिलाइबुनाई तालिम लिएर बसेका महिलाले मास्क सिलाउने उनले जनाएका छन् । महर्जनले भने, ‘जुन ठाउँमा धेरै आवश्यक पर्छ, त्यहाँ मास्क सिलाउन प्राथमिकता दिइने छ ।’ मास्का लागि उत्तम खालको कटनको कपडा महानगरले उपलब्ध गराएको जनाइएको छ । महानगरले पहिलादेखि नै महिलालाई सिलाइबुनाईका विभिन्न कार्यक्रम गराउँदै आएको थियो । यतिबेला कोरोनाको त्रास र मौसमी रुघाखोकीको समय भएकाले मास्क अत्यन्त आवश्यक रहेको छ । भाइरसबाट आफू र अरु पनि सुरक्षित हुने भएकाले मास्क उत्पादन गर्न लागेको महानगरले जनाएको छ । महानगरले आफना नागरिकलाई कोरोनाको जोखिमबाट बच्नका लागि सतर्कता अपनाउन पनि आह्वान गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।