काठमाडौं– राप्रपाका सांसद राजेन्द्रकुमार लिंदेनले संविधान संशोधन गरी दुई तहको शासन प्रणाली स्थापित गर्न माग गरेका छन्। सोमबार बसेको प्रतिनिधीसभाको विशेष समयमा बोल्दै उनले देशलाई ४० हजार जनप्रतिनिधी र तीन तहको सरकार बोझ बनेको भन्दै संविधान संशोधन गरेर दुई तहको प्रणाली स्थापित गर्न माग गरेका हुन्। ‘सत्तापक्षले संसोधानको कुरा उठाएर राम्रै गरेको छ। तर, व्यक्तिका लागि संशोधन गर्ने होइन,’ उनले भने, ‘म सत्तापक्ष र प्रतिपक्षी दुवैलाई आग्रह गर्न चाहान्छु। संविधान संशोधन नै गर्ने हो भने तीन तहको प्रणाली खारेज गरेर दुई तहको शासन प्रणाली स्थापित गरौं। संवैधानिक अंगमा निस्पक्षरुपमा नियुक्त गर्ने वातारण स्थापित गरौं। प्रत्यक्ष निर्वाचित प्रधानमन्त्री र हिन्दू राष्ट्र र संसदको नियन्त्रणमा राजसंस्था कायम गरौं।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।