काठमाडौं– नेपाली कांग्रेसकी केन्द्रीय सदस्य एवम् पूर्वमन्त्री सुजाता कोइरालाले नेपाल छाडेर विदेश जाने तयारी गरेको खबर बाहिर आएको छ ।

नेतृ कोइरालाले विदेश बस्नकै लागि आफ्नो नाममा रहेको अधिकांश सम्पत्ति बिक्री गरेको स्रोतले जनाएको छ । नेतृ कोइरालाका बुबा गिरिजाप्रसाद कोइरालाको निधनपश्चात् आफ्नो अधिकांश सम्पत्ति बिक्री गरिसकेकी छिन् ।

बाँकी सम्पत्ति पनि आफ्ना छोराछोरीलाई अंशको रुपमा उपलब्ध गराइदिएकी छिन् । नेपाल छाडेर र बेलायत गएर छोरी ज्वाइँसँग बस्ने सुजाताको योजना बनाएको स्रोतले जनाएको छ ।

कांग्रेस नेतृ कोइरालाले काठमाडौंस्थित बेलायती दूतावासमा १० वर्षे भिसाको लागि आवेदन दिएकी छिन् । भिसा पाउनासाथ उनी मुख्य वासस्थान बेलायतलाई बनाउने गरी देश छाड्ने तयारीमा छिन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।