काठमाडौं– ७० करोडको घुस काण्डमा मुछिएका गोकुल बाँस्कोटालाई कानुनी कारबाहीको माग गर्दै विहिबार प्रदर्शनका क्रममा ज्यादति गरेको विरोधमा आज नेविसंघले प्रदर्शन गरेको छ । राजधानीको प्रदर्शनी मार्गमा शुक्रबार दिउँसो प्रदर्शन गरेको हो । वाल्मीकि विद्या पीठबाट निस्किएको जुलुस राष्ट्रियसभा भवन नजिकै पुगेर पुनः वाल्मीकिमै पुगेर कोण सभा गरिएको थियो । कोणसभामा प्रधानमन्त्री केपी ओलीको राजीनामासँगै निवर्तमान मन्त्री बस्कोटालाई कानुनी कारबाहीको माग गरिएको छ । नेविसंघले प्रदर्शनका क्रममा 'नेकपाको छोरोले, करोड माग्यो मोरोले', 'गोकुलसँगै सिकेछ, केपी ओली बिकेछ', जस्ता नारा लगाइएका थिए । हिजो बाँस्कोटालाई अनुसन्धानको दायरामा ल्याउनुपर्ने भन्दै प्रदर्शनमार्गमा गरिएको प्रदर्शनीमा विद्यार्थी नेताहरुमाथि लाठी प्रहार गरिएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।