काठमाडौं - अख्तियार दुरुपयोग अनुसन्धान आयोगको पछिल्लो कदमबाट सशंकित प्रमुख प्रतिपक्षि दल नेपाली कांग्रेसको पदाधिकारी बैठक अहिले बुढानिलकण्ठमा जारि रहेको छ । अख्तियारले पार्टी उपसभापति विजयकुमार गच्छदारविरुद्ध विशेष अदालतमा मुद्दा दायर गरेपछि असन्तुष्ट बनेको कांग्रेसले बिहीबार पदाधिकारीको आकस्मिक बैठक बोलाएको हो । बैठक अहिले पार्टी सभापति शेरबहादुर देउवाको निवास बूढानीलकण्ठमा जारी रहेको जानकारी दिईएको छ । उपसभापति गच्छदारविरुद्ध दायर मुद्दा र अब पार्टीका तर्फबाट चाल्नु पर्ने कदमका विषयमा छलफल गर्न सभापति शेरबहादुर देउवाले पदाधिकारी बैठक बोलाएको स्रोतले जनाएको छ । सभापति देउवाका स्वकीय सचिव भानु देउवाले गच्छादरविरुद्ध दायर मुद्दाका विषयमा छलफल भइरहेको बताएका छन् । उनका अनुसार सभापति देउवाले उक्त विषयमा छलफलका लागि पार्टीका शीर्ष नेतृत्व र कानुन व्यवसायीहरुलाई बोलाएका छन् । 'उपसभापतिविरुद्ध दायर मुद्दाका विषयमा छलफल गर्न पार्टीका सिनियिर लिडर र कानुन व्यवसायीहरुसँग छलफल गर्न सभापतिले बैठक बोलाउनुभएको हो,' सभापति देउवाको स्वकीय सचिव देउवाले भने, 'अहिले छलफल चलिरहेको छ ।' अख्तियारले बुधबार ललिता निवास प्रकरणमा दोषी ठहर गर्दै कांग्रेस उपसभापति गच्छदारसहित एक सय ७५ जनाविरुद्ध मुद्दा दायर गरेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।