काठमाडौं– मंगलबार प्रधानमन्त्री निवास बालुवाटारबाट एउटा तस्वीर सार्वजनिक भयो । छिमेकी देश चीनमा कोरोना भाइरसको संक्रमणले नेपाली विद्यार्थीहरू उद्धारको पर्खाइमा छन्, सरकारले उद्धारका लागि प्रभावकारी काम नगरेको भन्दै आलोचना भइरहेको छ । तर प्रधानमन्त्री ओली सरकारी निवास बालुवाटारमा सारंगी बजाएर बसिरहेका छन्, रमाइरहेका छन् ।

मंगलबार मदन भण्डारी कला साहित्य प्रतिष्ठान र नेपाल नाट्य प्रज्ञा प्रतिष्ठानको सहकार्यमा बालुवाटारमा सांगीतिक साँझ भएको छ । सांगीतिक साँझमा प्रधानमन्त्री ओलीले बाँसुरी बजाएका छन् । ओलीले बाँसुरी बजाउँदा नेकपा वरिष्ठ नेता एवं पूर्व प्रधानमन्त्रीद्वय माधव नेपाल र झलनाथ खनालले सारंगी बजाएका छन् ।

बालुवाटारबाट यस्तो तस्विर सार्वजनिक भएपछि सामाजिक सञ्जाल तातिएको छ । धेरैले ओलीको यो तस्विर रोमन शासक नेरोको आधुनिक अवतारका रुपमा चित्रित गरेका छन् भने केही कोरोना भाइरसबाट देशका सयौं नागरिक अलपत्र रहेको अवस्थामा यस्तो तविर आउनु आर्यघाटको हाँसो जस्तै भएको टिप्प्णी गरेका छन् ।

हेर्नुहोस् कसले के भनेका छन् ?

‘यती’ तस्बिरले त धुन स्थापित हुँदैन प्रमज्यू। बाजाहरुको धर्म बज्ने हो तर लय विनाका बाजाहरुको कुनै अर्थ छैन। 'अर्केष्ट्रा' बज्ने कुरा मात्र होइन अनुभूत हुने कुरा पनि हो। धन्यवाद pic.twitter.com/xScYmC8yNM

— Narayan Amrit (@amritna) February 4, 2020

मलाई यो तस्बिर गजब रमाइलो लाग्यो :-) pic.twitter.com/dN7P6kwRJa

— उज्ज्वल आचार्य (@KANepal) February 4, 2020

जिन्दगी ना मिलेगी दोबारा...गज्जब सरहरु ! pic.twitter.com/a2eN6iNnO2

— khagendra pant (@k_pant1mnr) February 4, 2020

'रोम जलिरहेछ, निरो बाँसुरी बजाइरहेछ’ हो, "When Rome was burning, Nero was playing flute." pic.twitter.com/6ZbTeetbJ1

— DIPESH (@DipeshShahi) February 4, 2020

रोम जलिरहेका बेला त्यहाँका सम्राट निरो बाँसुरी बजाउनमा व्यस्त थिए।

— रामेश (@RaameshKoirala) February 4, 2020

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।