काठमाडौं -  प्रमुख प्रतिपक्षि दल  नेपाली कांग्रेसका युवा नेता एवम् पूर्वसांसद रामहरि खतिवडाले गोकर्णमा गर्नुपर्ने बनभोज बालुवाटारमै गरेको भनेर ब्याङ्ग्य गरेका छन् । सत्तारुढ नेपाल कम्युनिस्ट पार्टीका केन्द्रीय सदस्यहरूलाई प्रधानमन्त्री खड्गप्रसाद ओलीले आफ्नो सरकारी निवासमा रात्रिभोज दिएका थिए । रात्रिभोजको आलोचना भएको थियो । सोही क्रममा नेपाली कांग्रेसका नेता खतिवडाले पनि ब्याङ्ग्य गर्दै नेकपाको आचारसंहिताअनुसार बनभोज गर्ने कुरा जायज भएपनि बालुवाटारमा रात्रिभोजका नाममा ‘बनभोज’ गरेको भनेर आश्चर्य व्यक्त गरेका हुन् । नेता खतिवडाले सोमबार ट्वीट गर्दै भनेका छन्, ‘प्रधानमन्त्री ओलीले नेकपाको आचारसंहिता पालन गर्नुभएछ ।’ ‘प्रधानमन्त्री निवासमा, महिनाको एक पटक बनभोज । तर बालुवाटारमा रात्रिभोज गर्नुभएछ’, नेपाली कांग्रेसका नेता खतिवडाले भनेका छन्, ‘सबै भोजभतेरमा खुसी थिए रे । बनभोज त गोकर्णमा नै हो नि ?’ नेपाली कांग्रेसका युवा नेता खतिवडाले यती समूहलाई गोकर्ण रिसोर्ट कौडीको भाउमा दिएको भन्दै कम्युनिस्ट सरकारको निर्णयलाई आफ्नो ट्वीटमा ब्याङ्ग्य गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।