काठमाडौं - सत्तारुढ नेपाल कम्युनिस्ट पार्टी (नेकपा)को केन्द्रीय कमिटीको बैठक रोकेर केन्द्रीय सदस्यहरूले फिल्म हेरेका छन् । बैठक चलिरहेको स्थान काठमाडौंको प्रदर्शनीमार्गस्थित राष्ट्रिय सभाको हलमा आइतबार नेकपाका केन्द्रीय सदस्यहरूले फिल्म हेरेका हुन् । स्रोतका अनुसार केन्द्रीय सदस्यहरूलाई ‘बुद्ध बर्न ईन नेपाल’ नामक फिल्म देखाइएको छ । बैठकमा केन्द्रीय सदस्यहरूलाई बोल्न नदिएर नेकपाको नेतृत्वले ‘अर्थ नबर्थ’को फिल्म देखाएको भन्दै केही नेताहरूले आक्रोश पोखेका छन् । फिल्म देखाएपछि केही केन्द्रीय सदस्यहरू हलबाहिर निस्किएका छन् । बैठकमा सरकार र नेकपा नेतृत्वको आलोचना भएपछि तनावमा परेका अध्यक्षद्वय खड्गप्रसाद ओली र प्रचण्डले कसरी जवाफ दिने भनेर तनाबमा परेका बेला केन्द्रीय सदस्यहरूलाई फिल्म देखाइएको छ । उता, नेकपाको केन्द्रीय सचिवालयको बैठक बालुवाटारमा बसेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।