काठमाडौं– सत्तारूढ दल नेपाल कम्युनिष्ट पार्टी नेकपाले अग्नी सापकोटालाई सभामुखको उम्मेदवार बनाउने निर्णय गरेसँगै सामाजिक सञ्जालमा विभिन्न खालका टिकाटिप्पणी भइरहेका छन् । यही क्रममा नेपाली कांग्रेसका युवा नेता धनराज गुरूङले समेत फेसबुक मार्फत तिर फालेका छन् ।

गुरूङले सापकोटालाई बधाई दिँदै अर्जुन लामाको चिर शान्तिको कामना गरेका छन् । सापकोटा माथि लामाको हत्यामा संग्लग्न भएको अरोप छ । गुरूङले लेखेका छन्, ‘माननीय अग्नि सापकोटालाई वधाई ज्ञापन गर्दै काभ्रेका अर्जुन लामाको आत्मको चीर शान्तिको कामना गर्दछु। न्याय हराएको मेरो देश !’

सापकोटामाथि काभ्रे छत्रबाँझका लामाको हत्यामा संलग्न भएको अभियोग छ। लामाकी श्रीमती पूर्णिमायाले २०६९ मंसिर ७ गते सापकोटा, पूर्वसहायक ऊर्जामन्त्री सूर्यमान दोङलगायतलाई विपक्षी बनाएर मुद्दा दायर गरेकी थिइन्। यद्यपी यो मुद्दालाई सत्य निरुपण तथा मेलमिलाप आयोग मार्फत सुल्झाउने सहमति बनेको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।