काठमाडौं– नेपाल कम्युनिष्ट पार्टी (नेकपा)ले अग्नि सापकोटालाई सभामुख बनाउने निर्णय गरेपछि सामाजिक सञ्जालमा तीव्र विरोध भइरहेको छ । सापकोटा विरुद्ध काभ्रेका अर्जुन लामा हत्या आरोपको मुद्दा संवैधानिक इजलासमा रहेको भन्दै आलोचना र व्यंग्यात्मक टिप्पणीहरु सामाजिक सञ्जालमा गरिएका छन्।

उनलाई सभामुख बनाउने निर्णय विरोध गर्दै अधिवक्ता सन्तोष सिग्देलले बलात्कारको आरोप लागेपछि हटाइएको व्यक्तिको पदपूर्ति हत्या आरोपीबाट गरिएको उल्लेख गरेका छन्। उनी लेख्छन्, ‘अजब देशको गजब पाराः बलात्कारको आरोप लगाएर हटाएको व्यक्तिको पदपूर्ति गर्न हत्या आरोप लागेको व्यक्तिमा सहमति । ओई, कोही आओ न, मेरो देशमा मात्र लागू हुने विधीको शासनको परिभाषा गरिदेओ।’

अजब देश, गजब पारा: बलात्कारको आरोप लागेर हटाएको ब्यक्तिको पदपुर्ती गर्न हत्याको आरोप लागेको ब्यक्तिको नाममा सहमति । ओइ कोहि आओ न हो मेरो देशको लागि मात्र लागू हुने विधिको शासनको परिभाषा गरिदेओ ।

— Santosh Sigdel (@sigdelsantosh) January 19, 2020

द्वन्द्वपीडित सुमन अधिकारीले उनी विरुद्ध मुद्दा विचाराधीन रहेको सम्झाएका छन् । उनी माओवादीद्वारा मारिएका मुक्तिनाथ अधिकारी छोरा हुन्।

सापकोटाविरुद्ध द्वन्द्वकालमा काभ्रेका अर्जुना लामाको हत्यामा संलग्न भएको आरोपमा अदालतमा परेको मुद्दा अझै विचाराधिन छ।https://t.co/8wmgVBkmQU

— Suman Adhikari (@SumanAdhikari20) January 19, 2020

पत्रकार फणिन्द्र संगम द्वन्द्वकालिन ज्यान मुद्दामा डामिएको व्यक्ति सभामुख बनिरहेको भन्दै व्यंग्य गर्छन्, ‘द्वन्द्वकालिन ज्यान मुद्दामा डामिएका अग्नि सभाकोटा सभामुख बन्दै, पाँच हजार मारेको खुलेआमा स्वीकार्ने अध्यक्ष ।’ उनी हालै कुमार नगरकोटीले लेखेको कथासँग यसलाई जोड्दै ठट्टा गर्छन्, ‘नगरकोटीको भेटमा कार्ल माक्र्स भन्ने थालेका छन्– मलाई माक्र्सवादीहरुसित निकै डर लाग्न थालेको छ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।