पोखरा – नेपाली कांग्रेसका सहमहामन्त्री डा. प्रकाशशरण महतले गैरआवासीय नेपाली संघले नेपालभन्दा बाहिर भएका नागरिकलाई एकै ठाउँमा जोड्ने काम गरेको बताएका छन् । सहमहामन्त्री महतले गैरआवासीय नेपालीले विदेशमा गरेका अनुभवहरूबाट पनि नेपालले फाइदा लिन सक्ने बताएका छन् । आईतबार पोखराको रुपाकोटमा गैरआवासिय नेपाली महासंघको अन्तर्राष्ट्रिय समन्वय परिषद्को बैठकलाई सम्बोधन गर्दै नेपाली कांग्रेसका सहमहामन्त्री महतले नेपालभन्दा बाहिर रहेका गैरआवासीय नेपालीहरूलाई केही लिमिटेसन राखेर नागरिकता दिनुपर्ने पनि तर्क गरे । देश बाहिर रहेका गैरआवासीय नेपालीलाई त्यहाँसम्म पुर्‍याउने हैसियत नेपाली आमाबुबा र दाजुभाइले नै बनाई दिएपनि महतले बताए । गैरआवासीय नेपाली नागरिकलाई अर्कै देशको नागरिक जस्तो व्यवहार गरेर ती नेपालीलाई नेपालबाट टाढा बनाउन नहुनेमा सहमहामन्त्री महतले जोड दिए । गैरआवासीय नेपालीलाई नेपालसँग जोडिन सहज बनाउने कानून बनाउन कहाँनिर सहयोग गर्नुपर्छ त्यहाँ सहयोग गर्न आफू तयार रहेको समेत प्रतिबद्धता व्यक्त गरे । डा. महतले नेपालको संविधान जारी हुँदा पनि आफूले गैरआवासीय नागरिकलाई नेपालसँग जोडिराख्न राजनीतिक अधिकारबाहेक अरु अधिकार दिने व्यवस्था गर्नमा भूमिका खेलेको बताए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।