काठमाडौं – कम्युनिस्ट प्रधानमन्त्री केपी शर्मा ओलीले प्रतिनिधिसभा सभामुखमा आफू निकटका संसदीय दलका उपनेता सुवासचन्द्र नेम्वाङलाई ल्याउन चाहेका थिए । ओलीले यो सपना पूरा गर्न धेरै दिनसम्म संसदलाई बन्धक समेत बनाए । ओलीको सपना चक्नाचुर गर्दै सत्तारुढ नेपाल कम्युनिस्ट पार्टी (नेपाल) भित्र अध्यक्ष पुष्पकमल दाहाल ‘प्रचण्ड’ले जितेका छन् । प्रचण्डले चट्टानी अडान लिएपछि ओली गलेका छन् र प्रचण्डको मान्छेलाई सभामुख बनाउन तयार भएका छन् । आईतबार बिहान अध्यक्षद्वय ओली र प्रचण्डबीच बालुवाटारमा भएको छलफलमा नेता अग्नि सापकोटालाई सभामुख बनाउने सहमति भएको छ । दुवै अध्यक्षको सहमति अनुमोदन गर्न अपराह्न ४ बजे नेकपा सचिवालय बैठक बोलाइएको छ । लामो समयदेखि प्रधानमन्त्री ओलीले सुवासचन्द्र नेम्वाङलाई सभामुख बनाउनुपर्ने अडान राख्दै आएपनि प्रचण्डले सभामुखको अडान छाडेनन् र ओलीलाई गलाए । वर्तमान उपसभामुख डा. शिवमाया तुम्बाहाङ्फेले पनि सभामुखमा दाबी गर्दै आएपनि नेकपाले उनलाई सभामुख नबनाउने भएको छ । नेकपाले सभामुखबाट राजीनामा दिन दिएको निर्देशन तुम्बाहाङ्फेले अस्वीकार गरेकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।