काठमाडौं – नेपाल विद्यार्थी संघ (नेविसंघ) त्रिभुवन विश्वविद्यालय समिति केन्द्रिय क्याम्पस कीर्तिपुरले आगामी फागुन १४ गतेका लागि तोकिएको स्वतन्त्र विद्यार्थी युनियन (स्ववियु) निर्वाचनको तयारीमा तातेको छ । क्याम्पसमा आयोजित उपत्यका स्तरीय स्ववियु निर्वाचन तयारी छलफल कार्यक्रम विश्वविद्यालय अध्यक्ष हरि आचार्यको अध्यक्षतामा सम्पन्न भएको छ । उपत्यका स्तरीय तयारी छलफलले विभिन्न क्याम्पसको अवस्था बुझ्दै ४ बुँदे निर्णय गरिएको नेविसंघ विश्वविद्यालय सचिव योगेन्द्र रावलले जानकारी दिए । त्रिभुवन विश्वविद्यालय कार्यकारी परिषद्ले तोकेको स्ववियु निर्वाचनको मिति फागुन १४ गतेलाई स्वागत गर्दै अबिलम्ब स्ववियु निर्वाचन कार्यतालिका माग्ने निर्णय गरेको छ । बैठकले सम्पूर्ण शक्ति स्ववियु निर्वाचनमा होमिन देशभरका नेविसंघ सम्वद्ध विद्यार्थीलाई क्याम्पसमा जुट्न अपिल गरेको छ । मातृपार्टी नेपाली कांग्रेसलाई स्ववियु निर्वाचन सम्पन्न गर्न सहजताको निम्ति अबिलम्ब तदर्थ केन्द्रिय समिति गठन गर्न समेत बैठकले माग गरेको छ । बैठकले नेविसंघलाई स्ववियु निर्वाचन जिताउन देशव्यापी रणनैतिक अभियान सञ्चालन गर्ने निर्णय गरेको छ । कार्यक्रमका प्रमुख अतिथि पूर्व सहमहामन्त्री बलदेव तिमिल्सिनाले स्ववियु निर्वाचन अपरिहार्य भएको भन्दै सम्पूर्ण रुपमा सहयोग गर्ने बताए । नेता बिपिन अधिकारीले स्ववियू निर्वाचनको गरिमा बुझ्न सबैलाई आग्रह गरे । पूर्व केन्द्रीय सदस्य सुशील भट्टले स्ववियु निर्वाचन सम्पन्न गर्न जस्तोसुकै मूल्य चुकाउन परेपनि पछि नहट्ने बताउँदै स्ववियु निर्वाचन केन्द्रित कार्यक्रम लिएर देशभर नै निर्वाचन हुने क्याम्पसमा नेविसंघ अगाडि बढ्ने बताए । अर्का केन्द्रीय सदस्य रत्नहरि ढुंगेलले भने, ‘हाम्रो गौरवका रुपमा रहेको स्ववियु निर्वाचनलाई ऐतिहासिक पर्वका रुपमा लिन्छौं ।’ स्ववियु निर्वाचन कार्यतालिका चाँडोभन्दा चाँडो ल्याउन दबाब दिनुको विकल्प नरहेको प्रभावशाली नेता निरन्जन थापाले बताए ।  त्रिभुवन विश्वविद्यालय समिति सचिव योगेन्द्र रावलले नेविसंघले जितको शुरूआत त्रिभुवन विश्वविद्यालयबाटै गर्ने उद्घोष गर्दै ९५५ क्याम्पस जित्ने निर्णय गरेको अनेरास्ववियुलाई त्रिभुवन विश्वविद्यालय जितेर देखाउन चुनौती दिए । छलफल कार्यक्रममा नेविसंघ पूर्व सहमहामन्त्री बलदेव तिमिल्सेना, पूर्व केन्द्रीय सदस्य सुशील भट्ट, रत्नहरि ढुंगेल, धादिङ जिल्ला अध्यक्ष ईश्वर अधिकारी, निराजन थापा, कुमार दुलाल, शशांक श्री न्यौपाने, सुवास घिमिरे लगायतको उपस्थिति थियो भने उपत्यकाभित्र र बहिरका इकाई अध्यक्ष एवं पदाधिकारीको सहभागिता रहेको थियो । त्रिचन्द्र क्याम्पसबाट दिनेश शाही, शंकरदेव क्याम्पसबाट दिपक ओझा, महेन्द्ररत्न क्याम्पसबाट कमल पन्त, ग्रामीण क्याम्पसबाट सन्तोष गुरुङ, किरण भट्टराई, प्रबिन गुरुङ, पदमकन्या क्याम्पसबाट सैलेजा पुन, नेपाल ल क्याम्पसबाट हृदयराज मिश्र, विश्वभाषा क्याम्पसबाट रञ्जित ओली, आयुर्वेद क्याम्पसबाट नरेश ईटली, बिष्णु चापागाईं, नेपाल कमर्श क्याम्पस बानेश्वरबाट विष्णुहरि खड्का, रुपन्देही हरैया क्याम्पस स्ववियु सभापति प्रकाश पौडेल, डोटी बहुमुखी क्याम्पस स्ववियु सभापति बालकृष्ण सावद, चौतारा बहुमुखी क्याम्पस अध्यक्ष अनिल सापकोटा, रौतहट बहुमुखी क्याम्पस स्ववियु सचिव सन्तोष जैसवाल, फुलवारी बहुमुखी क्याम्पस कैलालीबाट हिम्मत गिरी, भीम खतिवडा, निलकण्ठ बहुमुखी क्याम्पसबाट महेन्द्र तामाङ, त्रिवि उपाध्यक्ष रोहन महतरा, लक्ष्मी खनाल, मनोज कार्की लगायत नेताको उपस्थिति थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।