काठमाडौं– पछिल्लो समय नेपालमा चिनियाँ प्रभाव बढ्दै गएको छ । केही समयअघि चिनियाँ राजदूत होउ यान्छीले काठमाडौंमा पत्रकार सम्मेलन गर्दै नेपाल अमेरिकी सहयोग मिलेनियम च्यालेन्ज कर्पोरेसन (एमसीस) आर्थिक सहयोग लिन स्वतन्त्र रहेको प्रतिक्रिया दिइन् । अझ पछिल्लो समय इन्टरनेटमार्फत जुवा खेलेको आरोपमा विशेष अप्रेसन गरेर समातिएका एक सय २२ चिनियाँ नागरिकलाई थोरै सजाय दिलाउन चिनियाँ दूतावासले दबाब दिएको रहस्य खुलेको छ । दूतावासकै पत्रका आधारमा गृह मन्त्रालयले अध्यागमन विभागलाई कम धरौटी लिएर निष्कासन गरेको छ ।

अध्यागम विभागको कानुनअनुसार चिनियाँ नागरिकले गरेको अपराधमा कम्तीमा पनि ५० हजार रुपैयाँ जरिवाना लिनुपर्नेमा एक–एक हजार मात्र लिइएको छ । आफैंले तिर्नुपर्ने भएकाले दूतावासले एक हजारमात्र तिराउन दबाब दिएको हो । यदि एक सय २२ जनासँग ५० हजारका दरले जरिवाना असुल गरेको भए नेपालको ढुकुटीमा ६३ लाख रुपैयाँ जम्मा हुन्थ्यो । तर, दूतावासकै कारण सवा एक लाख मात्र लिइएको छ ।

नेपालले निस्कासन गरेका चिनियाँलाई लिन आज दुईवटा चार्टर्ड विमान आएको छ । चाइना इस्टर्न र चाइना साउदर्न विमानले ती चिनियाँ नागरिकलाई देश फर्काएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।