काठमाडौं - नेपाली कांग्रेसका सभापति शेरबहादुर देउवाविरुद्ध लिखित उजुरी हालेर चर्चामा आएका पूर्व क्यासिनो किङ राजेन्द्र बजगाइँले पचास वटा ज्याकेट वितरण गरेर चर्चा कमाएका छन् । विवादास्पद व्यापारी बजगाइँले उखु किसानहरूलाई पचास वडा डाउन ज्याकेट वितरण गरेका हुन् । ज्याकेट वितरण गर्ने बेला पूर्व क्यासिनो किङ बजगाइँले आफू निकटका पत्रकार र फोटो पत्रकारहरूलाई साथमै माइतीघर मण्डलामा लगेका थिए । क्यासिनो किङ्ग बजगाइँले ठमेलबाट ज्याकेट किनेर माइतिघर मण्डलामा धर्नामा बसेका उखु किसानहरूलाई ५० वटा डाउन ज्याकेट दिएको उनले बताएका छन् । ‘उहाँहरू काँप्दै गरेको देखे’, विवादास्पद व्यापारी बजगाइँले भनेका छन्, ‘कठिनाइको महसुस भइरहेको थियो । हिजोबाट काठमाडौंमा चिसो बढेको छ, झरी परेको छ । मैले मानवीय हिसावले सहयोग गरेको हु । ५० जनालाई एकएक वटा डाउन ज्याकेट दिए ।’ नेपाली कांग्रेसका महासमिति सदस्य समेत रहेका बजगाइँले पार्टीको हितमा भन्दा पनि आफ्नो व्यक्तिगत स्वार्थमा काम गर्दै आएको भन्दै आलोचना हुँदै आएको छ । खोज पत्रकारिता केन्द्रले केही पहिला अगाडि सार्वजनिक गरेको रिपोर्टमा विवादास्पद व्यापारिक बजगाइँले नेपालको सम्पत्ति स्विजरल्याण्डको बैंकमा सम्पत्ति थुपारेको जनाएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।