चितवन – नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’को गृहजिल्ला चितवनमा नेकपा समर्थित विद्यार्थीले गुण्डागर्दी देखाएका छन् । नेकपाको भातृ संगठन अनेरास्ववियूका विद्यार्थीले दादागिरी देखाउँदै भरतपुरको सप्तगण्डकी बहुमुखी क्याम्पस र नारायणगढको बालकुमारी क्याम्पसमा तोडफोड गरेका हुन् । तोडफोडबाट क्याम्पसका झ्यालका सीसा फुटेका छन् । पब्लिक क्याम्पस संघ चितवनले ११ र १२ कक्षामा २५ प्रतिशत, स्नातक कार्यक्रममा ३० प्रतिशत, सेमेस्टर प्रणालीमा १२ प्रतिशत तथा स्नातकोत्तर तहमा २५ प्रतिशत शुल्क वृद्धि गरेको थियो । क्याम्पसले एक्कासी शुल्क वृद्धि गरेपछि नेकपाका विद्यार्थी आक्रोशित भएका अनेरास्ववियू सप्तगण्डकी क्याम्पस इकाई अध्यक्ष हरि आचार्यले बताएका छन् । कम्युनिस्ट सत्ताको आडमा गुण्डागर्दी हुन थालेपछि क्याम्पस प्रशासन त्रसित बनेको छ । शैक्षिक वातावरण खल्बलिने गरी भएको घटनाको शैक्षिक संस्थाले आपत्ति जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।