काठमाडौं - राप्रपाका भाइरल सांसद ज्ञानेन्द्र शाही फेरि एकपटक विवादमा तानिएका छन् । अरुलाई गाली गरेरै सांसद जितेका शाहीलाई आफ्नो अभिव्यक्तिप्रति माफी माग्न नेत्रविक्रम चन्द विप्लव नेतृत्वको नेकपाले चेतावनी दिएको छ ।

यदि माफी नमागे जे पनि हुन सक्ने जनाउ दिइएको छ । विप्लवविरुद्ध पक्राउ पुर्जी जारी भएर पनि पक्राउ नपरेको भनेर शाहीले दिएको अभिव्यक्ति फिर्ता लिएर माफी माग्न नेकपाका प्रवक्ता खड्कबहादुर विश्वकर्माले चेतावनी दिएका छन् ।

प्रकाण्डले विज्ञप्ति जारी गर्दै शाहीले शनिबार सिन्धुपाल्चोक सम्पर्क समितिको कार्यक्रममा दिएको उक्त अभिव्यक्तिले आफूहरुलाई आक्रोशित बनाएको बताएका छन् ।

शाहीको अभिव्यक्तिले तीनबुँदे सहमति भंग गर्ने, अराजकता मच्चाउने, देशलाई द्वन्द्वतिर धकेल्ने र वर्तमान संकटग्रस्त अवस्थाबाट देशलाई क्रान्तिकारी समाधान दिनबाट रोक्ने भन्दै फिर्ता लिएर माफी माग्न र त्यसो नगरे हुने परिणाम भोग्न तयार रहन प्रवक्ता प्रकाण्डले धम्की दिएका छन् ।

‘यदि पार्टी र नेतृत्वका विरुद्धको विषवमन सच्चाइएन भने त्यसबाट निस्कने गम्भीर परिणामको जिम्मेवार निज ज्ञानेन्द्र शाही नै हुने कुरासमेत पार्टी स्पष्ट गर्दछ’, प्रकाण्डले विज्ञप्तिमा भनेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ज्ञानेन्द्र शाही राप्रपाको प्रमुख सचेतकमा मनोनीत

राष्ट्रपति निर्वाचनमा राप्रपा तठस्थ नबसे ज्ञानेन्द्र शाही के गर्लान् ?

माइतीघरमा ज्ञानेन्द्र शाही विरुद्ध नाराजाबी, के हो कारण?

भाइरलम्यान ज्ञानेन्द्र शाहीलाई पार्टीकै फोरममा बेवास्ता, निहुँ खोज्दै नाराबाजी गर्दै

धम्कीपूर्ण शैलीमा प्रवक्ता शाहीले भने : संयमित नभए प्रहरीका परिवारसमेत खोज्छौं

ज्ञानेन्द्र शाहीको प्रश्न– गृहमन्त्री हो कि कन्टेन्ट क्रियटर ?