काठमाडौं- नेपालले बिहीबार तेस्रो राष्ट्रपति पाउँदैछ । सात वर्षे कार्यकाल पूरा गरेर राष्ट्रपति विद्यादेवी भण्डारी फागुन २९ गते बिदा हुँदैछिन् । राष्ट्रपति निर्वाचनमा कांग्रेसका रामचन्द्र पौडेल र एमालेका सुवासचन्द्र नेम्वाङ चुनावी मैदानमा छन् । आठदलीय गठबन्धनको मत क्रस नभए पौडेल राष्ट्रपति बन्ने निश्चित छ । 

राष्ट्रपति निर्वाचनबारे के गर्ने भन्ने निर्णय लिन संसदको पाँचौं शक्ति राष्ट्रिय प्रजातन्त्र पार्टीको केन्द्रीय कार्यसम्पादन समितिको बैठक बुधबार बस्दै छ । दिउँसो १ बजे केन्द्रीय कार्यालय धुम्बाराहीमा बस्ने बैठकमा राष्ट्रपति निर्वाचनबारे छलफल हुने छ । संघीय संसदमा राप्रपाका १४ र प्रदेश सभामा २८ सांसद छन् । राष्ट्रपति निर्वाचनमा उसको कूल मतभार दुई हजार ४५० छ । अहिलेसम्म राप्रपाका नेताहरु पौडेल र नेम्वाङमध्ये कतै खुलेका छैनन् ।

राप्रपामा राष्ट्रपति निर्वाचनमा तटस्थ बस्नुपर्ने आवाज उठेको छ । तटस्थ बस्नुपर्छ भन्ने पक्षमा ज्ञानेन्द्र शाहीलगायतका नेताहरु छन् । पार्टीले राजतन्त्रको एजेन्डा बोकेर हिँडेकाले निर्वाचनमा तठस्थ बस्नुपर्ने उनको धारणा छ । उनलाई पार्टीका वरिष्ठ उपाध्यक्ष रवीन्द्र मिश्रको पनि साथ छ । तर मिश्र सांसद छैनन् । पार्टीले दुईमध्ये कुनै एक उम्मेदवारलाई भोट हाल्ने निर्णय गरेमा शाहीले के गर्लान् ? सर्वत्र चासो छ ।

यद्यपि पार्टी अध्यक्ष राजेन्द्र लिङ्देनलगायतका नेताहरु भने कुनै एक उम्मेदवारलाई मत दिनुपर्छ भन्ने पक्षमा छन् । राष्ट्रपति निर्वाचनमा कसलाई मत दिने भन्ने विषयमा आज बस्ने केन्द्रीय कार्यसम्पादन समितिको बैठकले निर्णय गर्ने राप्रपाका प्रवक्ता मोहन श्रेष्ठले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ज्ञानेन्द्र शाही राप्रपाको प्रमुख सचेतकमा मनोनीत

सशस्त्र प्रहरीको हत्याका अभियुक्त लक्ष्मी महतोले राष्ट्रपति निर्वाचनमा भोट हाल्न पाउने

राष्ट्रपतिको चुनावमा उम्मेदवारले कति खर्च पाउँछन्?

आज देखि राष्ट्रपति निर्वाचनमा प्रचार निषेध 

राष्ट्रिय स्वतन्त्र पार्टी र राप्रपा राष्ट्रपति निर्वाचनमा तठस्थ बसे के हुन्छ ?

राष्ट्रपतिमा कसलाई भोट हाल्ने भनेर खुल्न आचारसंहिताले रोक्ने