काठमाडौँ - राष्ट्रिय स्वतन्त्र पार्टीका सभापति रवि लामिछाने अहिले सहकारी ठगी प्रकरण, गोर्खा मिडिया नेटवर्कको स्वेट सेयरअन्तर्गतको एक करोड ८० लाख आफ्नो खातामा हालेको विषयले उनी चर्चामा छन् ।

सहकारीका बचतकर्ताको पैसाबाट रविको खातामा सेयर पैसा पुग्यो भन्ने आशयको चर्चाले बजार तातेको छ । रविको खातामा गोर्खा मिडियाले रकम नहाली सेयर ट्रान्सफर हुँदैनथ्यो ।

तर, रविले सोहीवापतको रकम वा चेक जिबीलाई फिर्ता गरेको देखिएको छ । सेयर खरिदबिक्रीको व्यावहारिक पाटो यही हो ।

कानुनी रुपमा रवि फसे, व्यावहारिक रुपमा उनी फसाइए । रविले सरकारलाई झन्डै ५० लाख रुपैयाँ (पाएको सेयर वापतको रकमको नियमानुसार ३९ प्रतिशत कर) तिर्नुपर्न रकम कानुनतः देखिन्छ ।

व्यवहारमा उनले पाउँदै नपाएको रकमको दायित्व उनीमाथि छ । कानुनी रुपमा उनीमाथि छनविन हुन सक्छ । र, कानुन मात्र हेरेर खेद्ने हो भने उनले सो रकम तिर्नुपर्ने फैसला पनि हुनसक्छ ।

त्यही भएर सोमबार पत्रकार सम्मेलनमार्फत रविले आफ्नो बैक खातामा पैसा नआएको जिकिर गरे । उनले आफू पूरै निर्दोष रहेको बताए । तर जिबीले कानुनी छिद्रमा रविलाई फसाउने गरी गरेको हर्कतले उनी उम्कन त्यति सहज छैन ।

कानुनी र व्यावहारिक पाटो सधैँ मिल्दैन । उदाहरणका लागि– विवाह दर्ता, विवाह गरेको महिनौँपछि पनि गर्न मिल्छ । रवि कानुनी रुपमा फसेकै हुन्, अझ फस्ने ठाउँहरु धेरै छन् ।

तर, व्यवहारमा उनी दोषी नहुन सक्छन् । व्यवहार र कानुन धेरै ठाउँमा फरक हुन्छ । रविले सोमबार राति सामाजिक सञ्जालमार्फत आफूले दस्तखत गरेको बैंक स्लिप कम्पनी रजिस्ट्रार कार्यालयमा पुगेको पनि सार्वजनिक गरेका छन् ।

मंगलबार कान्तिपुरले प्रकाशित गरेको समाचारमा पनि त्यो कागजबारे चर्चा गरिएको छ । रविले भलै आफूले एक करोड ८० लाख नलिए होलान् तर कानुनी रूपमा उनले गम्भीर गल्ती गरेकै हुन् ।

जसरी हिजो दोहोरो नागरिकता प्रयोग गरेर उनले पछि त्यसलाई सच्याएका थिए, यसमा पनि त्यही ढंगले छानबिन हुने देखिन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!