काठमाडौं - राष्ट्रिय स्वतन्त्र पार्टीले आगामी निर्वाचनलाई लक्षित गर्दै संगठन विस्तार अभियान तीव्र पारेको छ ।

५२ लाखभन्दा बढी जनसंख्या रहेको मधेस प्रदेशका आठ जिल्लामा ३२ वटा प्रतिनिधिसभाको सिट छ । त्यही कारण रवि लामिछानेले मधेस पस्ने निर्णय गरे । केही समयअघि रास्वपा मधेसका विभिन्न जिल्ला पुगेर संगठन विस्तार गरेको थियो ।

मधेसमा जसपा, जनमत पार्टी, लोसपा र नागरिक उन्मुक्ति पार्टीको पनि राम्रै पकड छ । नेपाली कांग्रेस, एमाले, माओवादीको परम्परागत भोट बैंक मधेस नै हो । एक वर्षअघिको निर्वाचनमा मधेसबाट सिके राउतको जनमत पार्टीले राम्रो सफलता पाएको थियो ।

त्यसमै लोभिएर रवि लामिछाने मधेस झरेका हुन् । रवि मधेस नपस्दासम्म अर्को निर्वाचनमा रास्वपा र जनमत पार्टीबीच सहकार्य हुने चर्चा चलेको थियो । तर जब रवि मधेस पसे, अहिले सिके राउत बिच्किएका छन् । रास्वपाका अध्यक्ष रवि लामिछाने र सीके राउतबीच राम्रो सम्बन्ध रहँदै आएको छ ।

दुवै दल अहिले ‘मिसन ०८४’ सञ्चालन गरिरहेका छन् । दुवै नयाँ शक्ति भएका कारण मधेसमा चुनावी गठबन्धन हुने आकलन सबैतिर भइरहेको छ ।

मधेसमा स्वतन्त्र पार्टीले इन्ट्री गरेपछि सबैभन्दा बढी घाटा जनमत पार्टीलाई नै हुने देखिएको छ । जनमत पार्टी र स्वतन्त्र पार्टीको मतदाता जेनरेसन एउटै हो । मधेसमा मधेसवादी दलमा जसपा र जनमत पार्टीबीच प्रतिस्पर्धा हुने देखिएको छ ।

स्वतन्त्र पार्टी मधेसमा सक्रिय भयो भने जनमत पार्टीलाई नै घाटा हुने टिप्पणी भइरहेका छन् । स्वतन्त्र पार्टीको पहाडमा जस्तो क्रेज छ, त्यस्तो क्रेज तराई मधेसमा देखिएको छैन ।

तराई मधेसमा पार्टी सञ्चालन गर्न स्वतन्त्र पार्टीमा त्यो अनुसारका नेता देखिएका छैनन् । मधेसमा नेतृत्व गर्न सक्ने नेताको अभावका कारण संगठन बनाउन रास्वपालाई गाह्रो हुने जानकारहरु बताउँछन् ।

त्यसले गर्दा मधेसमा टिक्नका लागि जनमतसँग चुनावी तालमेल गरेर बलियो शक्ति बन्ने सपना रवि लामिछानेले देखेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रवि लामिछानेले आफ्नो श्रीमानलाई ऋषिमुनि भनेपछि रिसाइन् एलिजा गौतम, दिइन् यस्तो जवाफ

कांग्रेसबाट चुनाव लड्ने भए रवि लामिछाने, मन्त्री बन्ने पक्का! 

रवि लामिछानेका दाजुभाइबीच ठूलो लफडा, स्वतन्त्र उम्मेदवारहरुबीच खैलाबैला 

राजनीतिमा रवि लामिछानेः ‘रवीन्द्र मिश्र भा २’

रवि लामिछानेको दोहोरो चरित्र, परिवारवादको विरोध गरेर श्रीमतिलाई नै बनाए हर्ताकर्ता! 

दल दर्ता नहुँदै रवि लामिछानेलाई लाग्यो ठूलो झट्का, चौतर्फी खैलाबैला!