काठमाडौं - ११ महिनापछि बसेको कांग्रेस केन्द्रीय समिति बैठक जारी छ । चौथो दिनको बैठक ११ बजेदेखि सुरु हुँदैछ । हरेक दिन बिहान ११ देखि बेलुका ५–६ बजेसम्म केन्द्रीय समितिको बैठक बस्ने गरेको छ ।

आधाजसो केन्द्रीय सदस्यले बैठकमा आफ्ना धारणा राखेका छन् । अझै दुई दिनसम्म केन्द्रीय सदस्यले आफ्नो धारणा राख्ने र त्यसपछि पदाधिकारीको पालो आउने छ । त्यसैले अझै केही दिन बैठक लम्बिने संकेत देखिएको छ ।

केन्द्रीय समिति बैठकमा एजेन्डा र वार्षिक क्यालेन्डर पनि प्रस्ताव गरिएकाले केन्द्रीय सदस्यहरूले त्यही विषयमा आफ्नो धारणा राखिरहेका छन् ।

तर, धेरैले सभापति शेरबहादुर देउवा र शरणार्थी काण्डमा जेल परेका बालकृष्ण खाँणको बचाउ गरेकाले केन्द्रीय समिति बैठक कर्मकाण्डीमै सीमित हुने खतरा पनि बढेको छ ।

बैठकमा महामन्त्री गगन थापाले पार्टीलाई चलायमान बनाउन केन्द्रीय समितिको बैठक कहिले बस्ने भनेर समय नै तोकेकाले सभापति देउवालाई दबाब परेको छ ।

बैठक बोलाउने अधिकार सभापतिमा निहित छ । विधानले समयावधिसहित तोकेका अन्य जिम्मेवारी पनि सभापति देउवाले पूरा गरेका छैनन् ।

यस्तो अवस्थामा महामन्त्री गगन थापाले पेस गरेको क्यालेन्डर अनुसारको वार्षिक कार्ययोजना देउवाले पालना कसरी गर्लान् ? चासो सर्वत्र देखिएको छ ।

महाधिवेशन भएको डेढ वर्षसम्म देउवाले न कोषाध्यक्ष मनोनीत गरेका छन्, न केन्द्रीय समितिलाई नै पूर्णता दिएका छन् । कांग्रेसको विधानमा केन्द्रीय समितिको बैठक प्रत्येक दुई महिनामा बस्नुपर्ने उल्लेख छ ।

महाधिवेशन सकिएको ६ महिनाभित्र पदाधिकारी मनोनयन, केन्द्रीय समितिलाई पूर्णता, विभाग गठन तथा संसदीय बोर्ड गठन हुनुपर्ने व्यवस्था छ । यो सबै जिम्मेवारी सभापतिको हो । केन्द्रीय समिति र कार्यसम्पादन समितिको बैठक टारेर सभापति देउवाले पदाधिकारी र पूर्वपदाधिकारी बैठकबाट महत्वपूर्ण निर्णय गराउँदै आएका छन्, जसलाई विधानले चिन्दै चिन्दैन ।

वार्षिक क्यालेण्डरअनुसार कांग्रेस अगाडि बढे पार्टीका सबै संरचना वर्षैभर चलायमान हुनेछन् । पार्टीलाई विधानबमोजिम सञ्चालन गर्न र गतिविधि नियमित गर्न केन्द्रीय समिति बैठकमा महामन्त्री थापाले समयतालिकासहित वार्षिक कार्ययोजना प्रस्ताव गरेका छन् ।

कार्ययोजनामा प्रस्ताव गरिएका अधिकांश विषय सभापति देउवासँग सम्बन्धित छन् । केन्द्रीय समितिले अनुमोदन गरेमा यो कार्यान्वयनमा आउने छ । तर, यसले सबैभन्दा बढी दबाब देउवामाथि नै पर्ने छ । त्यही भएर देउवाले के गर्लान् भन्ने चासो देखिएको हो ।

पार्टीलाई नियमित सञ्चालनका लागि सभापतिसँगै अन्य पदाधिकारीको पनि भूमिका हुन्छ । पदअनुसार जिम्मेवारी प्रदान र भूमिका निर्वाह गर्न नसक्ने हो भने कांग्रेसको अवस्था सुधार होला भन्न सकिन्न ।

अहिले केन्द्रीय समितिमा रहेका अधिकांश केन्द्रीय सदस्यको अभिव्यक्ति र विचार सुन्दा कांग्रेस रुपान्तरण होला भन्ने कसैले विश्वास गरेको छैन ।

यदि महामन्त्रीद्वयले पेस गरेको प्रस्ताव देउवाले मानेमा भने कांग्रेस चलायमान हुने सम्भावना धेरै छ । कार्ययोजना अनुसार कांग्रेस अगाडि बढे केन्द्रदेखि पालिका तहसम्मका पार्टीका संरचना वर्षैभर चलायमान हुनेछन् ।

यसले पार्टीको गिर्दो साखलाई उकास्ने र आगामी निर्वाचनमा बढी मत ल्याउन सहयोग पुग्ने कतिपयको विश्लेषण छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

अर्थमन्त्रीलाई गगन थापाको प्रश्न : विदेशबाट फर्किने युवाका लागि ठोस योजना खै ?

कोरोना महामारीका बेला शेरबहादुर देउवाको माग : ‘एमसीसी पारित हुनुपर्छ’

पूर्व स्वास्थ्यमन्त्री गगन थापाले कोरोना रोक्न स्वास्थ्य मन्त्री ढकाललाई दिए १६ बुँदे ‘आइडिया’

शेरबहादुर देउवालाई तत्कालै चाहियो एमसीसी, पार्टी बैठकमा यस्तो बोले !